Опис

Подготвителна обука за деца

Првата обука за Scratch е воведна и подготвителна обука која има за цел да ги постави основите за работа со компјутер, да ја развие културата за креативно компјутерско работење, да ги воведе учениците во основите на логичкото и програмерско размислување, да ги запознае со основните програмерски концепти и основите на компјутерски дизајн.
Оваа обука ги опфаќа следните содржини:

• Вовед во работа со компјутери. Креирање на корисничка сметка и запознавање со интерфејсот на Scratch
• Блокови за движење. Први проекти во Scratch
• Уште блокови за движење, завртување и насока
• Креирање на проекти со ограничен збир на блокови
• Багови и дебагирање
• Анимација со блокови за : движење, звук, изглед
• Проект – интерактивен колаж
• Блокови за звуци и едитор на звуци во Scratch. Независна паралелност
• Блокови за изглед и Paint editor во Scratch
• Блокови за повторување. Анимација на карактери
• Мои блокови – функции во Scratch
• Разговори меѓу карактери. Зависна паралелност
• Блокови за позадини. Сцени – проект приказна
• Колаборативен проект – Pass it on
• Услови. Sensing (ask and answer)
• Оператори
• Изработка на квиз со помош на оператори и sensing
• Индивидуален проект и презентација на проектот

По завршување на првата обука се продолжува со изучување на обуката Scratch Adv. Во програмата од оваа обука се повторуваат и применуваат изучените концепти од првата обука во Scratch, се прошируваат со усвојување на нови концепти и работа на повеќе проекти за изработка на 2D игри и изработка и презентација на индивидуален проект.
Оваа обука ги опфаќа следните содржини:

• Напредни концепти – video sensing, cloning
• Екстензија Pen – запознавање со алатките, цртање на елементарни линии и форми и цртање на посложени форми
• Блокови за контрола
• Проекти кои изгледаат како игри со движење на стрелки и сенсинг блоковите
• Променлива и примена
• Елементи на игра
• Изработка на 5 основни 2D игри и додавање на екстензии
• Листи и работа со листи
• Низи и проекти со текстуални низи
• Дебагирање на проекти
• Правење на индивидуален завршен проект и презентирање на проектот

Основни и напредни обуки за дизајн за деца

Дигитална патека за дизајн понатаму продолжува со обуките: Основи на дизајн и Canva и Дизајн и Canva Adv во коишто учениците се запознаваат со основите на графички дизајн и практично учат и го применуваат наученото во онлајн платформата за графички дизајн Canva.

Преку овие обуки децата ќе сфатат дека графичкиот дизајн е насекаде околу нас, ќе научат уште еден начин за комуницирање порака преку креативност, како ефикасно да ги реализираат идеите на другите луѓе, како да станат вешти забележувачи на детали и како да изработуваат свои дизајни.
Програмата на овие обуки ги опфаќа следните содржини:

• Основи на дизајн (запознавање со поимите графички дизајн и графички дизајнер)
• Главни елементи и главни правила во графичкиот дизајн
• Визуелен дизајн (контраст, повторување, подреденост (хиерархија) големина, боја)
• Форми (икони, вектори) – запознавање и нивна примена
• Палета на бои (RGB & CMYK) – запознавање и примена на боите преку различни веб страници
• Фотографии – запознавање, примена на свои фотографирани фотографии и веб страници со free stock фотографии
• Типографија – запознавање со нова терминологија, фонт и негово запознавање и нивно користење
• Детален опис / идентитет (brand book) на некој од светските брендови кои на децата им се многу добро познати

Во текот на обуките за практични активности и изработка на дизајн ќе се користи онлајн платформата за графички дизајн Canva. Работата во Canva е дела од програмата за обуките која вклучува:

• Запознавање со основните Canva алатки (секоја алатка посебно)
• Запознавање со различните димензии на постови, презентации, флаери итн
• Запознавање со нова терминологија (mockup, template и сл)
• Активности – работа на готов темплејт, целосно едитирање со сосема нова тема
• Изработка нa: презентации, постови за социјални медиуми, постери, логоа, флаери, покани, честитки, видеа и анимации, визит карти, брошури, мениа, сертификати, банери, корици за книги, стикери, етикети, календари, карти, принтови за маички, шолји