Дигитална патека
Академија за веб дизајн за деца
Секоја дигитална патека започнува со обуките: Scratch и Scratch Adv како основни обуки за деца од 8 до 11 годишна возраст. Овие две обуки се задолжителни за деца од 8 – 9 години како и за деца кои немаат предзнаења од креативно компјутерско образование. Дигиталната патека за веб дизајн понатаму продолжува со online обуки за: HTML/CSS, HTML/CSS Adv, Java Script и Java Script Adv за деца од 10 – 14 години.
Дигиталната патека за веб дизајн за деца е составена од
Обуки за Scratch, HTML/CSS и JavaScript
Дигиталната патека за веб дизајн за деца ги воведува вашите деца во дизајнот на веб страници и се состои од обуки за Scratch, HTML/CSS и JavaSript. По завршување на секоја обука учениците добиваат диплома за завршена обука од нашиот едукативен центар. Во дипломата се наведува од која Дигитална патека е обуката. Исто така се наведуваат сите постигнати цели и вештини за време на следење на обуката.
Наша програма за
Дигиталната патека за веб дизајн за деца
Првата обука Scratch е воведна и подготвителна која има за цел да ги постави основите за работа со компјутер, да ја развие културата за креативно компјутерско работење, да ги воведе учениците во основите на логичкото и програмерско размислување, да ги запознае со основните програмерски концепти и основите на компјутерски дизајн и да развие флуентност во компјутерските концепти и практики со истражување на компјутерски креации во жанрот на приказни преку дизајнирање на заеднички наративи.
Цели на обуката
Во текот на обуката учениците ќе:
- Се запознаат со концептот на компјутерска креација, во контекст на Scratch
- Може да ги видат можностите за сопствени компјутерски креации базирани на Scratch и запознавање со ресурсите за поддршка на нивните компјутерски креации
- Се подготват за креирање на Scratch проекти преку создавање на сопствена корисничка сметка на Scratch
- Изградат првични истражувања на Scratch околината преку креирање на интерактивен Scratch проект
- Се запознаат со поширок спектар на Scratch блокови и концептот на низа (секвенца)
- Практикуваат експериментирање и повторување додека креираат проекти и се запознаат со концептите на компјутерско размислување за> циклуси (јамки), настани и паралелизам
- Експериментираат со нови блокови во категориите: Настани, Контрола, Звук и Изглед
- Истражуваат разни проекти во Scratch со уметнички теми и креираат анимиран музички видео проект
- Стекнат блискост и изградат разбирање за придобивките од повторното користење и ремиксирање при дизајнирањето
- Развијат поголема флуентност во компјутерските концепти (настани и паралелизам) и практики (експериментирање и повторување, тестирање и дебагирање, повторна употреба и ремиксирање)
- Ги истражуваат компјутерските креации во жанрот на приказни преку дизајнирање на соработнички (заеднички) наративи
Оваа обука ги опфаќа следните содржини:
- Вовед во работа со компјутери. Креирање на корисничка сметка и запознавање со интерфејсот на Scratch
- Блокови за движење. Први проекти во Scratch
- Уште блокови за движење
- Креирање на проекти со ограничен збир на блокови – 10 blocks
- Багови и дебагирање
- Анимација со блокови за: движење, звук, изглед
- Проект – интерактивен колаж
- Sound editor и sound blocks. Независна паралелност
- Paint editor и looks blocks
- Блокови за повторување. Анимација на карактери
- Мои блокови – функции во Scratch
- Разговори меѓу карактери. Зависна паралелност
- Блокови за позадини. Сцени – проект приказна
- Колаборативен проект – Pass it on
- Услови. Sensing (ask and answer)
- Оператори (+,-,*,/, pick random)
- Изработка на квиз со помош на оператори и sensing
- Индивидуален проект и презентација на проектот
По завршувањето на првата обука се продолжува со изучување на обуката Scratch Adv. Во програмата од оваа обука се повторуваат и применуваат изучените концепти од првата обука во Scratch, се прошируваат со усвојување на нови концепти и работа на повеќе проекти за изработка на 2D игри, се идентификуваи објаснувамеханиката на игри, се демонстрираатпознавањата на компјутерски концепти и практики преку дизајнирање, развој и презентирање на лично значаен, саморежиран проект.
Цели на обуката
Преку оваа обука учениците ќе:
- Се запознаат со компјутерските концепти на условите, операторите и податоците (променливи и листи)
- Се запознаат со компјутерските практики на експериментирање и повторување, тестирање и дебагирање, повторна употреба и ремиксирање, апстракција и модуларирање со градење и проширување на проект за игра на лавиринт, понг или лизгање
- Ја идентификуваат и разбираат механиката на игри и размислуваат за минатите искуства за да ги самооценат тековните цели и потреби за учење
- Создадат само-ремикс преку проширување на претходно започнат проект и се здобијат со повеќе флуентност во компјутерските концепти и практики со истражување на најновите карактеристики на Scratch (видео сензори, клонирање)
- Демонстрираат познавање на компјутерски концепти (секвенца, јамки, настани, паралелизам, условувања, оператори, податоци) и практики (експериментирање и повторување, тестирање и дебагирање, повторна употреба и ремиксирање, апстракција и модуларизација) преку дефинирање, развој и презентирање на лично значаен, саморежиран проект
- Имаат повеќе можности за соработка преку работа во тимови, споделување на вештини и давање и примање на повратни информации во повеќе наврати
Оваа обука ги опфаќа следните содржини:
- Напредни концепти – video sensing & when loudness >
- Напредни концепти – cloning
- Екстензија Pen – запознавање со алатките и цртање на елементарни линии и форми
- Екстензија Pen – цртање посложени форми
- Блокови за контрола
- Проекти кои изгледаат како игри со движење на стрелки и сенсинг блоковите
- Променлива
- Креирање на видео игри со примена на изучените концепти и нивно проширување (Catch game & extensions, Maze & extensions, Pong & extensions, Scrolling & extensions, Shooting game & extensions)
- Листи и низи
- Проекти со текстуални низи
- Дебагирање на проекти
- Правење на индивидуален завршен проект
- Презентирање на завршен проект
Во првата обука за HTML/CSS учениците ќе се запознаат како работи Интернетот, што се тоа веб страни и со веб технологиите HTML и CSS. Се започнува со едноставни елементи и структура на страната и се движи постепено кон понапредни техники. Часовите вклучуваат работа со текст, хиперлинкови, слики, мултимедијални елементи, бои, типографија, листи, табели и друго.
Со завршување на обуката учениците ќе се стекнат со основни вештини за HTML и CSS технологиите, пришто ќе научат различни основни тагови и елементи, како и нивни техники и структури за употреба на истите, основно познавање како функционираат веб страните и нивно прикажување со веб технологиите HTML и CSS.
Цели на обуката:
- Учениците ќе научат и разберат што е интернет, www, компјутерска мрежа, протокол HTTP/HTTPS; ќе се запознаат со начинот на којшто работи компјутерската мрежа и самите протоколи
- Учениците ќе научат да го објаснат/опишат начинот на кој се пристапува до една веб страна и ќе се запознаат со целиот концепт на изработка на веб страна
- Учениците ќе разберат што е HyperText Markup Language, што се тоа тагови и што е тоа синтакса и ќе се запознаат со различните типови на HTML тагови/елементи и истите ќе ги вежбаат и применуваат на CodEmoji платформата
- Учениците ќе научат дополнителни HTML тагови, ќе се запознаат со дополнителни елементи во делот за работа со текст и графички приказ и ќе научат за што се користат табели и како се прикажуваат во HTML
- Учениците ќе научат и разберат што се тоа форми и која е причината за користење
- Учениците ќе научат тагови и атрибути кои се неопходни за работа со форми, ќе се запознаат со код едитори и ќе видат различни видови на едитори, ќе инсталираат едитор за код
- Учениците ќе научат што претставува CSS, ќе научат како се пишува CSS и како може да се користи во една страна и ќе се запознаат со основните атрибути на елементите и ќе научат како може да селектираат HTML елемент во CSS
- Учениците ќе научат и разберат што претставува Типографијата, ќе научат за различни видови на фонтови и која е нивната намена, ќе се запознаат со веб ресурси за превземање на бесплатни фонтови и ќе инсталираат фонт на компјутерот
- Учениците ќе се запознаат CSS атрибутите за фонтови и ќе научат како се вметнува фонт во една веб страна
- Учениците ќе научат и разберат што се тоа селектори, ќе се запознаат со различни видови на селектори и повеќе модели на прикажување на бои, ќе научат како се одбира боја во три вида на модели
- Учениците ќе се запознаат со коментари во кодот и зошто се важни, ќе научат како се пишува коментар
- Учениците ќе се запознаат со Вектори и Битмапи и нивната разлика, ќе се запознаат Box Model-от и ќе научат што е тоа маргина, рамка и padding
- Учениците ќе изработат веб страна со примена на сите изучени техники и концепти
Оваа обука ги опфаќа следните содржини:
- Вовед во Интернет/WWW
- Веб страна и HTML синтакса
- Работа со текст
- Табели и дополнителни тагови
- HTML форми
- Вовед во стилови – CSS
- Типографија и CSS фонтови
- CSS селектори
- BOX модел
- Бои
- Вежби за практична примена на наученото
- Работа на проект
Во текот на обуката HTML/CSS Adv учениците ќе се запознаат со напредни елементи во HTML и CSS, напредни и повеќе вгнездени структури на веб страните, распределување на елементите во страната, селекција со атрибути, динамички содржини како и анимација во самата страна.
Со завршување на обуката учениците ќе се стекнат со напредни вештини за HTML и CSS технологиите, каде што самостојно ќе можат да направат своја HTML/CSS веб страна од сам почеток со користење на сите наведени елементи и техники, како што се: табели, слики, мултимедијални работи, навигација, динамички содржини, анимација итн.
Цели на обуката:
- Учениците ќе се запознаат со повеќе вгнездени HTML структури и елементи.
- Учениците ќе научат како да вметнуваат веб страни преку рамки во самата страна.
- Учениците ќе знаат да користат напредни CSS селектори.
- Учениците ќе научат што претставува веб графика и основни концепти на графиката.
- Учениците ќе се запознаат со концептот на респонзивна веб страна.
- Ученикот ќе научат да исцртуваат 2Д и 3Д објекти на самата страна со CSS.
- Учениците ќе се запознаат со концептот на анимација, како 2Д и 3Д анимација.
- Учениците ќе знаат да применат анимирање на елементи на самата страна со CSS.
- Учениците ќе се запознаат со концептот на Grid и како се користи во една страна, ја опишува и објаснува функцијата на напредни CSS атрибути и вредности.
- Учениците ќе знаат напредни CSS елементи и комплексна структура која се користи за креирање и дизајнирање на една веб страница.
- Учениците ќе ги повторат и надоградат своите знаења за CSS селектори
- Учениците ќе се запознаат со различните видови на CSS селектори и со вгнездени CSS елементи
- Учениците ќе научат што се тоа 2Д објекти и како се прикажуваат во просторот, ќе научат како се пишуваат 2Д објекти во HTML и CSS
- Учениците ќе се запознаат со поимот матрици и ќе се запознаат со повеќе видови на 2Д трансформации во просторот
- Учениците ќе научат што се тоа транзиции, како се пишуваат транзиции во CSS, како да ограничат и тајмираат транзиција и ќе се запознаат со повеќе видови на примери на транзиции
- Учениците ќе научат што претставува анимација, како се пишува анимација во CSS, што претставуваат keyframes и како се пишуваат keyframes во CSS, ќе се запознаат со повеќе видови на примери на анимации
- Учениците успешно ќе завршат и презентираат проект – основна веб страница со напредни елементи составена од повеќе страници со користење на технологиите: HTML и CSS.
Оваа обука ги опфаќа следните содржини:
- Распоред на страна
- Табели
- Рамки
- Веб графика
- Динамички содржини
- CSS атрибути
- FlexBox
- CSS Grid
- CSS селектори и вгнездени елементи
- 2Д објекти во CSS
- Транзиции во CSS
- Анимација во CSS
- Вежби со анимации и транзиции во CSS
- Работа на проект
Целта на обуката за JavaScript e учениците да се запознаат со основните концепти на програмирањето и програмскиот јазик JavaScript, како и вметнување на JavaScript код во HTML страна, и правење динамични работи со помош на JavaScript во самата страна, дебагирање и техники на барање на грешки во самата страна и кодот.
Со завршување на обуката учениците ќе се стекнат со основно познавање на програмскиот јазик JavaScript, како и основните концепти на програмирањето и негова примена во креирана веб страна.
Цели на обуката:
- Учениците ќе се запознаат со концептот на програмски јазик и технологијата JavaScript, framework, работната околина на Visual Studio Code и LiveServer плагинот
- Учениците ќе се запознаат и ќе го разберат концептот на променлива и термините: име на променлива, вредност на променлива, декларирање променлива, доделување на вредност на променлива
- Учениците ќе се запознаат со печатење на стандарден излез во JavaScript и со наредбата console.log();
- Учениците ќе ги изучат аритметичките оператори +,-,/,*, %^
- Учениците ќе применуваат децимални броеви во аритметичките изрази
- Учениците ќе се запознаат со boolean, number, string, null, char вид на променлива, услови и со if/else условот
- Учениците ќе знаат како се вгнездуваат блокови во JavaScript и ќе научат дека програмите можат да имаат различни патеки на извршување (да се разгранети)
- Учениците ќе ја разберат употребата на if/else синтаксата
- Учениците ќе ја научат употребата на релационите оператори: ==, !=, <,<=,>,>=
- Учениците ќе решаваат задачи со примена на услови
- Учениците ќе ги научат логичките оператори and(И) и or(ИЛИ)
- Учениците ќе креираат свој сопствен калкулатор за два броја и други вежби
- Учениците ќе научат што е циклус и за што служи и како работат циклусите
- Учениците ќе се запознаат со различните видови на циклуси во JavaScript и ќе ја научат синтаксата на for циклусот
- Учениците ќе ја научат разликата во употребата на for и while циклуси
- Учениците ќе научат синтакса на while циклус и do while циклус
- Учениците ќе ја научат разликата во употребата на while и do while циклуси
- Учениците ќе се запознаат со наредбата continue и break и како таа се користи
- Учениците ќе се запознаат со низи во JavaScript, декларирање и печатење на низи
- Учениците ќе решаваат задачи со циклуси и преку задачи ќе научат да користат циклуси и услови заедно
- Учениците ќе разберат што значи проблемот на бесконечен циклус
- Учениците ќе размислуваат и ќе научат како се применуваат циклуси да се решат вистински задачи/проблеми со автоматизација
- Учениците ќе се запознаат со терминот функција, што се функции во програмирањето и за што служат
- Учениците ќе ја научат синтаксата за пишување на функции и како се користат (повикуваат) функции
- Учениците ќе научат како се пишуваат и користат функции кои враќаат вредност, ќе извежбаат пишување и повикување на едноставни функции
- Учениците ќе се запознаат со вградени функции и ќе научат за што ни помагаат вградените функции
- Учениците ќе решаваат задачи со вградени функции
- Учениците ќе научат за DOM објекти во HTML и како работи DOM
- Учениците ќе научат како да пристапуваат до HTML елементи преку JavaScript
- Учениците ќе научат да пишуваат HTML елементи интерактивни со JavaScript
- Учениците ќе научат како да прикажат прозорец со alert и како на кликнување на копче да се прикажат информации
- Учениците ќе научат како да примат информации преку input поле и да ги искористат во JavaScript делот .
Оваа обука ги опфаќа следните содржини:
- Вовед во JavaScript
- Променливи и услови
- Услови и релациони оператори
- Вежби со услови
- Вовед во циклус, for циклус во JavaScript
- While циклус во JavaScript и низи
- Вежби со циклуси и низи
- Вовед во функции
- Работа со вградени функции, вежби со функции
- Вежби со функции, HTML DOM објекти
- HTML интерaкција со копчиња
Целта на обуката JavaScript Advanced е да се продлабочи знаењето на учениците кои ги совладале првите три обуки од Дигиталната патека за веб дизајн во HTML, CSS и JavaScript, со различните видови на алатки и работа со нив.
Со завршување на обуката, учениците ќе имаат понапредни познавања од концептите кои ги имаат изучено во обуките за основно користење на ЈavaScript, ќе креираат целосна веб страна со употреба на комплетот алатки Bootstrap и ќе ги креираат своите апликации со корисничка интеракција.
Цели на обуката
- Учениците да ги повторат и утврдат своите знаења за променливи, листи, услови и циклуси во JavaScript
- Учениците да се запознаат и да извежбаат работа со функции и манипулација со DOM
- Учениците да се запознаат со можностите на комплетот алатки Bootstrap. Да креираат напредни веб страни со прилагодени компоненти за потребите на апликацијата
- Учениците да креираат веб страни со дизајн кој би бил прилагоден според различни уреди (телефон, лаптоп, десктоп)
- Учениците да научат како да ги комбинираат знаењата од различните усвоени теми за да можат да манипулираат со DOM и да овозможат корисничка интеракција
- Учениците да ги освежат, повторат, утврдат и надоградат своите знаења за JavaScript и неговата примена во пишувањето на сложени компјутерски програми
- Учениците да се запознаат со валидација на кориснички форми
- Учениците да научат да пишуваат напредни JavaScript функции преку кои ќе ja апдејтираат веб страната и ќе ја направат динамичка
- Учениците да ги применат стекнатите знаења во изработка на финален проект според сопствена замисла
- Низ содржините на обуката учениците да ги развиваат своите вештини за решавање на проблеми од програмирањето