Во светот во кој дигиталната писменост станува основна вештина, програмирањето е една од највредните способности кои едно дете може да ги стекне уште од рана возраст. Токму со таа цел, во Едуфронт ја развивме Дигиталната патека за програмирање во Python, специјално прилагодена за деца на возраст од 10 до 14 години.

Оваа патека е дел од нашите водечки курсеви за деца кои преку практична работа го доближуваат светот на технологијата. Се состои од четири последователни обуки за деца, внимателно осмислени да го водат ученикот од запознавање со основите на кодирање, па сè до развој на сопствени веб апликации. Секоја обука трае 17 часови по 75 минути и се реализира еднаш неделно, онлајн, во живо со предавач.

Зошто да се започне со Python?

Python е еден од најпопуларните и најшироко користени програмски јазици денес. Неговата едноставна синтакса го прави идеален за програмирање за деца, бидејќи учењето е природно, логично и веднаш применливо. Преку Python, децата развиваат логичко размислување, учат да решаваат проблеми и почнуваат да гледаат на технологијата како на средство за создавање.

Дополнително, Python се користи во реални индустрии како анализа на податоци, вештачка интелигенција и веб развој, што овозможува рано поврзување на наученото со светот околу нив.

Што опфаќа дигиталната патека за програмирање?

Програмата е поделена во четири нивоа. Секоја обука е дел од прогресивно структуриран систем кој овозможува постепен развој на знаења и самостојност.

1. Python – Вовед во кодирање

Првата обука претставува идеален почеток за секое дете што сака да влезе во светот на кодирање. Учениците се запознаваат со основни концепти: променливи, услови, циклуси, листи и аритметички операции.

Практичната примена се реализира преку Turtle Graphics – визуелна библиотека која овозможува цртање и креирање на слики со код. На тој начин, учениците гледаат како нивниот код создава нешто конкретно и интересно.

Ова е еден од нашите најбарани курсеви за кодирање за деца, особено поради визуелниот и интерактивниот пристап.

2. Python Adv – Изработка на игри со PyGame

Следната обука е насочена кон развој на компјутерски игри со помош на библиотеката PyGame. Учениците се воведуваат во понапредни концепти како што се функции, класи и наследување.

Целта е да се создаде основна игра – со ликови, движење, интеракција и поени. Овој курс го поддржува интересот на учениците за креативно кодирање и ги воведува во реална логика на програмирање.

3. Python Upp Adv – Податоци, визуелизација и интерфејси

Третата обука ја збогатува програмата со анализа на податоци и визуелизација. Учениците учат како да работат со текстуални датотеки, да читаат и запишуваат податоци, и да користат графици со библиотеката Matplotlib.

Покрај тоа, се воведува работа со Tkinter, со што учениците создаваат свои први графички интерфејси – форми, полиња за внесување и копчиња. Обуката комбинира техничка прецизност со визуелна изведба, што ја прави извонредна за ученици кои сакаат да видат резултати од своето кодирање.

4. Python Adv Plus – Веб развој со Django

На последното ниво, учениците прават премин кон веб програмирање. Се учат основи на HTML и CSS, frontend и backend логика, како и концептите на Django – едно од водечките решенија за веб апликации во Python.

Учениците развиваат сопствена веб страна, креираат модели и податоци, и учат како да поврзат кориснички интерфејс со backend логика. Оваа обука претставува вистински вовед во светот на веб развојот и гради силна основа за понатамошно напредување.

Нашиот пристап кон учење

Сите обуки се дел од нашите онлајн обуки за деца, кои се реализираат во живо преку Zoom, со мали групи од 5 до 8 деца. Учениците добиваат:

• електронски материјали и работни листови
• интерактивни задачи
• снимки од часовите по потреба
• директна комуникација со предавач
• работа на сопствени проекти и презентација

Методологијата се базира на учење преку пракса, каде учениците не само што слушаат, туку и создаваат.

Во блог постот користиме фотографии и скриншотови од реални часови од обуките.

За кого се наменети овие курсеви?

Овие курсеви за деца се идеални за ученици на возраст од 10 до 14 години кои сакаат да истражуваат, да креираат и да учат преку код. Без разлика дали се целосни почетници или веќе покажале интерес за технологија, програмата е прилагодена да ги води низ јасен, структуриран и интересен процес на учење.

Како да се пријавите?

Уписите за учебната 2025/26 година се во тек. Доколку барате квалитетна, практична и современа обука за програмирање за деца, Python патеката на Едуфронт е вистинскиот избор.

Контактирајте нè преку нашата веб страница или социјалните мрежи за да добиете повеќе информации и консултација за соодветното ниво за вашето дете.