За почетокот на новата учебна 2023/24 година ви најавуваме пробни, воведни часови за онлајн обуките од Digipath – Дигитални патеки за учење на деца. Ги покануваме сите љубопитни ученици од 8 до 14 години да ни се приклучат на часовите за да откријат интересни факти за: програмирањето, веб дизајнот и графичкот дизајн.
Овие часови ќе се одржат на платформата Zoom и учеството е бесплатно. Потребно е само да се направи претходна регистрација на соодветниот линк, по што се добива повратен мејл со линк за приклучување на часот.
Распоредот на часовите и линковите за регистрација за учество се следни:
- 1 септември (петок) – Програмирање во Python, со почеток во 19 часот – регистрација на: https://bit.ly/digipath-python
- 5 септември (вторник) – Програмирање во Scratch, со почеток во 19 часот – регистрација на: https://bit.ly/digipath-scratch
- 6 септември (среда) – Веб дизајн во HTML/CSS, со почеток во 19 часот – регистрација на: https://bit.ly/digipath-html-css
- 7 септември (четврток) – Графички дизајн во Canva, со почеток во 19 часот – регистрација на: https://bit.ly/digipath-canva
На часовите децата ќе се ангажираат со воведни активности во почетните обуки од Дигиталните патеки за: програмирање во Scratch и Python, веб дизајн со HTML и CSS, графички дизајн на платформата Canva. Нив ќе ги водат нашите повеќегодишни предавачи со цел учесниците да искусат дел од онлајн Digipath час, да научат нешто ново и интересно и истото веднаш да го применат и покажат. Исто така, секое дете кое ќе учествува на барем еден час ќе добие попуст на цената за упис на редовните, целогодишни Digipath обуки.
Уписите за оваа учебна година веќе се во тек и ќе траат до 10 септември или до пополнување на наставните групи. Пријава или интерес за упис може да потврдите преку пополнување на нашата пријава или преку мејл info@edufront.mk или телефонски на 070 700 237.
